Ўзбекистон ва Малайзия камбағалликни қисқартириш бўйича лойиҳаларни амалга оширади

Ўзбекистон Малайзия билан камбағалликни қисқартириш йўналишида лойиҳалар амалга оширади, деб хабар бермоқда Камбағалликни қисқартириш ва бандлик вазирлиги.

Фото: Бандлик вазирлиги

Айни кунларда Малайзия давлатида Савдо-иқтисодий масалалар бўйича ҳукуматлараро комиссиянинг биринчи йиғилиши бўлиб ўтмоқда. Унда камбағалликни қисқартириш ва бандлик вазири ўринбосари Раъно Турдибоева ҳам иштирок этяпти.

Ўзбекистонда камбағаллик даражаси 2021 йилдаги 17 фоиздан 2023 йилда 11 фоизга тушди, 2026 йил якунигача бу кўрсаткични 7 фоизга тушириш белгилаб олинди.

Тадбирда Ўзбекистон ва Малайзия ўртасидаги самарали ҳамкорликни янада кенгайтириш, камбағалликни қисқартириш йўналишида қатор лойиҳаларни биргаликда амалга оширишга ҳам келишиб олинди.

Малайзиянинг камбағалликни қисқартириш ва аҳоли фаровонлигини ошириш бўйича “Мадани” ҳамда кам таъминланган оилалар билан ишлаш йўналишида “Э-Касих” ва “Азам” дастурлари мавжуд.