Фото: Kun.uz
8 июн, шанба куни Тошкент вақти билан тахминан соат 23:30дан кейин Telegram мессенжерида узилишлар юз бера бошлади. Мессенжернинг мобил ва веб-версиялари ишламай қолиб, каналллар, гуруҳлар ва шахсий ёзишмаларда муаммо кузатилди. Тахминан 1,5 соатлик узилишлардан сўнг мессенжер фаолияти соат 00:58да қайтадан тикланди.
Downdetector интернет сервиси Telegram мессенжерининг Ўзбекистон, Қозоғистон, Эрон, Россия, Украина, АҚШ ва бошқа мамлакатларда ишламай қолганини қайд этган.
Telegram’нинг расмий саҳифалари ҳозирча юзага келган узилишлар ҳақида расмий баёнот бермади.
