Beeline Uzbekistan абонентлари интернет хизматлари ва бошқа хизматлар ишида узилишларга дуч келмоқда.
Фото: Beeline Uzbekistan
Beeline Uzbekistan алоқа оператори абонентлари 18 июн куни мобил интернет билан боғлиқ муаммолар ҳақида хабар берди.
Компания маълумотига кўра, тармоқда авария-тиклаш ишлари ўтказилмоқда.
Баъзи фойдаланувчилар SMS юбориш ва қабул қилиш имконсизлиги ҳақида ҳам хабар берган. USSD хизмати ишламоқда.
Шу сабабдан баъзи абонентларда интернет хизматлари ва бошқа сервислар ишлаши билан боғлиқ қисқа вақтли узилишлар кузатилиши мумкин, дейилади хабарда.
Яқин орада хизматларнинг ишлаши тўлиқ тикланиши айтилган.
