Тошкентда учта автомобил тўқнашди

Тошкент шаҳрининг Учтепа туманида учта автомобил иштирокида ЙТҲ содир бўлди. Бу ҳақда пойтахт ЙҲХББ матбуот хизмати хабар берди.

23 июн куни соат 09:00 ларда Ширин-Лутфий кўчалари чорраҳасида қуйидаги автомобиллар тўқнашган:

• 1989 йилда туғилган М.С. бошқарувида бўлган Lixiang L9;
• 1999 йилда туғилган М.Р. бошқарувида бўлган BYD;
• 1968 йилда туғилган А.Ш. бошқарувидаги бўлган Spark.

Йўл транспорт ҳодисаси натижасида тан жароҳат олганлар йўқ.

Ҳолат бўйича Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.