Қўшимча функционаллар
-
Тунги кўриниш
Путин Красиков ва бошқа собиқ маҳбусларни шахсан кутиб олди
Путин уларга «қасамёд ва бурчларига содиқликлари учун» миннатдорчилик билдирди.

Фото: Видеодан кадр
2 август, жумага ўтар кечаси Россия президенти Владимир Путин Москванинг «Внуково» аэропортида Ғарб давлатлари билан маҳбуслар алмашинуви доирасида ватанига қайтган россияликларни шахсан кутиб олди.
Россиялик журналистлар томонидан Telegram’да тарқатилган видеода, хусусан, Путиннинг Германияда чеченистонлик собиқ дала қўмондони Зелимхон Ханқошвилини ўлдирганликда айбланиб, умрбод қамоқ жазосига ҳукм қилинган «ФСБ» ходими Вадим Красиковни (Соколов) учрашувда қандай қучоқлагани кўрсатилган. Ханқошвили 2019 йилда Берлиндаги Кичик Тиргартен боғида ўлдирилганди.
«Интерфакс» агентлиги хабарига кўра, учиш-қўниш йўлагида россияликларни президент полкининг ҳарбий хизматчилари ҳам кутиб олган. Бундан ташқари, «ФСБ» раҳбари Александр Бортников, «СВР» бошлиғи Сергей Наришкин ва мудофаа вазири Андрей Белоусов «Внуково»га етиб келди.
Давлат мукофотлари ваъда қилинди
«Ҳарбий хизматга алоқадор» собиқ маҳбусларга мурожаат қилиб, Путин уларга «қасамёд ва бурчларига содиқликлари учун» миннатдорчилик билдирди, деб ёзади «Интерфакс».
«Ҳаммангиз давлат мукофотларига тақдим этиласиз, биз сизларни яна кўрамиз ва келажагингиз ҳақида гаплашамиз», - дея агентлик Владимир Путин сўзларини келтирди.
Словенияда жосусликда айбланган Анна Дулцевага Россия президенти томонидан гул совға қилинди.
Россия Федерацияси «ФСБ» хабарига кўра, алмашинув натижасида НАТОнинг бир қатор давлатларида қамоққа олинган саккиз нафар россиялик ўз ватанига қайтарилган. Анқарадан «Внуково»га етиб келган «Россия» авиакомпанияси самолёти бортида вояга етмаган болалар ҳам бўлган.
Маҳбуслар алмашинувида кимлар иштирок этди?
«Интерфакс» агентлиги маҳбуслар алмашинуви доирасида ўз ватанига қайтган россияликларнинг исмларини айтиб ўтди. «Тиргартен қотили» Вадим Красиковдан ташқари, бу АҚШда компютерни бузиш ва фирибгарликда айбланиб 9 йилга қамалган Владислав Клюшин; Словенияда жосусликда айбланиб 1 йил 7 ойга қамалган Артем ва Анна Дулцевлар; Полшада Россия фойдасига жосусликда айбланган Павел Рубцов; Норвегияда Россия фойдасига жосусликда айбланган Михаил Микушин; Қўшма Штатларда киберфирибгарликда айбланиб 27 йил қамоқ жазосига ҳукм қилинган Роман Селезнев; АҚШда Россия ҳарбий-саноат комплекси учун технология ва Америка ўқ-дориларини контрабанда қилишда айбланган Вадим Коношченок.
Ўз навбатида, рус тилидаги ОАВ хабарига кўра, Россия алмашинув пайтида Ғарб давлатларига: сиёсатчилар Владимир Кара-Мурза ва Иля Яшин, ҳуқуқ ҳимоячиси Олег Орлов, жамоат арбоби Андрей Пивоваров, рассом Саша Скочиленко, мухолифатчи Алексей Навалнийнинг шериклари Лилия Чанишева, Ксения Фадеева ва Вадим Останин, Германия фуқароси Кевин Лик; журналист Иван Сафронов иши қатнашчиси, Россия ва Германия фуқаролигига эга сиёсатшунос Дитер Воронин, Германия ва Россия фуқароси Германа Мойжес, АҚШ фуқаролари Пол Уилан, Эван Гершкович, Алсу Курмашева, Германия фуқароси Патрик Шобелни топширди. Беларус ҳукумати ҳам ўлим жазосига ҳукм қилинган Германия фуқароси Рико Кригерни экстрадиция қилди.
Тавсия этамиз
Урушга тайёр Жўланий, таксидаги Пизишкиён – ҳафта дайжести
Жаҳон | 12:00 / 20.07.2025
Лёв ёки Кападзе. Миллий жамоа бошқарувида ўзгариш қилиш керакми?
Спорт | 11:30 / 20.07.2025
Одамлар энг тез ва секин қарийдиган мамлакатлар аниқланди
Жаҳон | 21:57 / 17.07.2025
Жиноят оламида бунақаси кам учрайди: яширин устахона ва ғойиб бўлган 276 та машина
Жамият | 13:40 / 16.07.2025
Сўнгги янгиликлар
-
Зеленский Россия билан янги музокаралар санасини айтди
Жаҳон | 00:39
-
Олмазорда водород пероксидининг тарқалиши, ОТМ қабул квоталарининг тасдиқланиши, Тошкентдаги кўчатхоналар – маҳаллий дайжест
Ўзбекистон | 23:55 / 21.07.2025
-
Президент энергия таъминоти узлуксизлигини таъминлаш бўйича топшириқлар берди
Ўзбекистон | 23:35 / 21.07.2025
-
20 дан ортиқ давлат Исроилдан Ғазодаги урушни тўхтатишни ва инсонпарварлик ёрдамини кўпайтиришни талаб қилди.
Жаҳон | 23:30 / 21.07.2025
Мавзуга оид

12:55 / 18.07.2025
Путин Россияда хорижий дастурий таъминотни қисқартириш йўлини топишни буюрди

11:05 / 16.07.2025
Путин санкцияларга қарамай урушни давом эттирмоқчи

15:27 / 15.07.2025
Кремл Трампнинг янги баёнотларини таҳлил қилиш учун вақт кераклигини қайд этди

12:35 / 15.07.2025