Самарқандда Lacetti юқори тезликда дўконга урилди

Оқибатда дўкон ичида бўлган фуқаро тан жароҳати олиб туман шифохонасига мурожаат қилган.

Фото: Самарқанд вилояти ЙҲХБ

3 сентябр куни Самарқанд вилояти, Каттақўрғон тумани, «Мундиён» маҳалласи ҳудудидан ўтувчи йўлда Lacetti русумли автомобил дўконга урилди. Бу ҳақда Самарқанд вилояти ЙҲХБ хабар берди.

Қайд қилинишича, ҳайдовчи йўлнинг бурилиш жойида тезлиги юқори бўлгани сабабли автомобилни бошқара олмасдан дўконга урилиб, йўл-транспорт ҳодисаси содир қилган. Оқибатда дўкон ичида бўлган фуқаро тан жароҳати олиб туман шифохонасига мурожаат қилган.

Ҳолат юзасидан Каттақўрғон туман ИИБ томонидан дастлабки суриштирув ишлари олиб борилмоқда.

#Самарқанд #ЙТҲ