“Азиз Воитов суди очиқ ўтказилиши керак” – Антикоррупция агентлиги
Коррупцияга қарши курашиш агентлиги собиқ қишлоқ хўжалиги вазири Азиз Воитов ва бошқаларга оид жиноят иши очиқ тарзда ўтказилиши мақсадга мувофиқлигини маълум қилди. Агентликка кўра, бу президентнинг тегишли фармони талабларига мос.

Фото: Daryo
Антикоррупция агентлиги судда кўриб чиқилаётган Азиз Воитов ва бошқаларга оид жиноий иши бўйича муносабат билдирди. Агентлик матбуот котиби Шерзод Сапаров мазкур ишда суд мажлислари очиқ тарзда ўтказилиши мақсадга мувофиқлигини маълум қилди.
“Президентнинг 2021 йил 16 июндаги ПФ-6247-сонли фармонига мувофиқ, давлат хизматчиларининг касбий фаолияти билан боғлиқ ҳуқуқбузарликларга оид ишлар бўйича суд мажлислари телеканаллар, шунингдек, интернет тармоғи орқали жонли эфирга узатилиши лозимлиги белгиланган.
Шунга асосан, Коррупцияга қарши курашиш агентлиги мазкур суд мажлиси юқоридаги фармон талаблари асосида жамоатчилик учун очиқ тарзда ўтказилиши мақсадга мувофиқ эканлигини маълум қилади”, дейилади муносабатда.
5 сентябр куни жиноят ишлари бўйича Юнусобод туман суди биносида собиқ қишлоқ хўжалиги вазири Азиз Воитов ва бошқаларга (жами 50 киши) оид жиноят ишини кўриб чиқиш бошланди.
Азиз Воитов Жиноят кодексининг 167-модда 3-қисми “а” ва “в” бандлари (бир гуруҳ шахслар томонидан олдиндан тил бириктирган ҳолда, кўп миқдорда ўзлаштириш ёки растрата йўли билан талон-торож қилиш), 205-модда 2-қисми “а” банди (жуда кўп миқдорда зарар етказган ҳолда, ҳокимият ёки мансаб ваколатини суиистеъмол қилиш), 206-модда 2-қисми “а” банди (жуда кўп миқдорда зарар етказган ҳолда, ҳокимият ёки мансаб ваколати доирасидан четга чиқиш) ҳамда 209-модда 2-қисми “а” бандида (такроран содир этилган мансаб сохтакорлиги) назарда тутилган жиноятни содир этганликда айбланмоқда.
Ишни кўриб чиқаётган судя Сардор Содиқов журналистлар суд жараёнини ёритишда айбсизлик презумпциясига амал қилиши шартлигини таъкидлаган.
Маълумот учун, президентнинг 2021 йил июн ойида қабул қилинган “Давлат органлари ва ташкилотларининг фаолияти очиқлигини таъминлаш, шунингдек, жамоатчилик назоратини самарали амалга оширишга доир қўшимча чора-тадбирлар тўғрисида”ги фармони билан очиқ маълумотлар сифатида жойлаштирилиши керак бўлган 33 хил тоифадаги ижтимоий аҳамиятга молик маълумотлар рўйхати тасдиқланган. Фармонда Коррупцияга қарши курашиш агентлиги ва Миллий телерадиокомпанияга айрим муҳим тадбирлар ва суд жараёнларини жонли эфирга узатиш топшириғи берилган.
Тавсия этамиз
Божларни музлатган Трамп, урушдан силласи қуриган Судан – ҳафта дайжести
Жаҳон | 12:50 / 13.04.2025
Сирли эшиклар ва яширин йўлаклар: Тошкент метроси хавфсиз бошпана бўла оладими?
Ўзбекистон | 10:00 / 12.04.2025
Leapmotor автомобилларининг Ўзбекистонга импорти чеклангани юзасидан изоҳ берди
Ўзбекистон | 15:52 / 11.04.2025
“Яқин кунларда рекорд иссиқлик тўлқини кутилмоқда” – иқлимшунос Эркин Абдулаҳатов
Ўзбекистон | 13:00 / 10.04.2025
Сўнгги янгиликлар
-
Uzbekistan Airways Тошкент—Жидда рейсларида Умра визасига эга йўловчиларни қабул қилишни тўхтатди
Ўзбекистон | 01:01
-
Доналд Трамп Россия—Украина урушида Байден, Зеленский ва Путинни айблади
Жаҳон | 00:35
-
КХДРда мамлакат тарихидаги энг катта ҳарбий кемани қуриш бошланди
Жаҳон | 00:15
-
Pfizer ножўя таъсирлар туфайли семиришга қарши дори ишлаб чиқишни тўхтатади
Жаҳон | 23:23 / 14.04.2025
Мавзуга оид

11:28 / 08.04.2025
Коррупциявий жиноятлар Адлия вазирлиги тизимида 22 фоизга, ҳокимликларда 43 фоизга камайди – Антикоррупция агентлиги

12:48 / 04.10.2024
Антикоррупция агентлиги тадбиркор ректор устидан вазирликка тақдимнома киритди

13:44 / 23.09.2024
Қайнота, курсдош ва бошқа яқинлар: 150 миллиардлик зарар ҳисобланган жиноятда Азиз Воитов нималарда айбланяпти?

16:25 / 19.09.2024