Бердиев — Суперлиганинг энг яхши мураббийи, Мозговой — энг яхши футболчи

ПФЛ 2024 йил якунлари бўйича Ўзбекистон чемпионатининг энг яхшиларини эълон қилди.

Рўзиқул Бердиев мавсумнинг энг яхши мураббийи деб топилди. 53 ёшли мутахассис якунланган мавсумда «Насаф» билан илк бор мамлакат чемпионлигини қўлга киритди.

Чемпион жамоа аъзоси Акмал Мозговой эса энг яхши футболчи деб эътироф этилди. 24 ёшли яримҳимоячи якунланган мавсумда 23 ўйинда 4 гол ва 1 ассистни ўз ҳисобига ёздириб қўйди. Акмалнинг «Локомотив» (1:0) дарвозасига қайчи услубида урган голи Қарши клубига илк чемпионликни келтирди.

Барча номинациялар ғолиблари:
Энг яхши футболчи — Акмал Мозговой («Насаф»)
Энг яхши мураббий — Рўзиқул Бердиев («Насаф»)
Энг яхши ёш ўйинчи — Абдуғофур Ҳайдаров («Сурхон»)

Энг яхши легионер — Владимир Йовович («Сўғдиёна»)
Мавсум кашфиёти — Анваржон Ҳожимирзаев («Динамо»)

Мавсум тўпурари — Драган Черан («Пахтакор»)
Энг чиройли гол муаллифи — Марко Миличкович («Металлург»)
Энг яхши ҳакам — Шавкат Насибуллаев
Fair Play соврини — ОКМК клуби

#энг яхши футболчи #ПФЛ #Рўзиқул Бердиев #энг яхши мураббий