"Яндекс" асосчиси Аркадий Волож ўзига қўриқлаш хизматини ёллади
Россияни тарк этган бизнесмен Аркадий Волож Путиннинг Россиянинг Украинага қарши уруши ҳақидаги баёнотини қандай изоҳлаганини «ноқулай» деб топди, деб ёзади Bloomberg.

Фото: AFP
Исроилда яшовчи Россия интернет гиганти "Яндекс" асосчиси Аркадий Волож Россия президенти Владимир Путин сиртдан унга «саломатлик тилаган»идан сўнг ҳаётида биринчи марта қўриқлаш хизматини ёллади. Бу ҳақда 10 январ, жума куни Волож билан суҳбат ўтказган Bloomberg агентлиги хабар берди. Гап бизнесменнинг Россиянинг Украинага қарши уруши ҳақидаги 2023 йилда қилган баёнотига Путиннинг жавоби ҳақида кетмоқда.
Россиянинг қўшни давлатга бостириб кириши бошланганидан деярли бир ярим йил ўтгач, Аркадий Волож бу ҳақда ҳеч қандай изоҳ бермади. Бироқ, 2023 йил август ойида Воложнинг вакиллари оммавий ахборот воситаларига унинг урушни қоралаган баёноти матнини эълон қилишди. Ҳужумни ваҳшийлик деб атаган тадбиркор «Украина уйларига ҳар куни бомбалар учиб келаётганидан даҳшатга тушганини» айтди. «Россияда 2014 йилдан бери яшамаслигимга қарамай, мамлакат ҳаракатлари учун ўзимда ҳам маълум даражада масъулият борлигини тушунаман», деди Волож.
Владимир Путин бир ой ўтиб, 2023 йил сентябрида бўлиб ўтган Шарқий иқтисодий форумда Воложнинг сўзларини изоҳлади. «У Исроилда яшайди, у ерда яхши даражада яшаш ва расмийлар билан яхши муносабатда бўлиш учун муайян баёнотлар беришга мажбур бўлади. Узоқ вақт жим ўтирганди, кейин баёнот беришга қарор қилди. Унга саломатлик тилайман, у ерда яхши яшасин. Бу бизга унчалик қизиқ эмас», деди Путин. Шу билан бирга, у Воложни истеъдодли шахс деб атаган.
Путин аввалроқ худди шундай тавсифни "Вагнер" ХҲК асосчиси, кейинчалик Твер областидаги авиаҳалокатда вафот этган Евгений Пригожинга берган эди, деб ёзади Bloomberg. Шу сабабли, Путиннинг сўзларидан сўнг, Волож ўзини «жуда ноқулай» ҳис қилди ва кўп ўтмай — ҳаётида биринчи марта — қўриқлаш хизматини ёллади, деб ёзади агентлик.
«Яндекс» бизнеси россиялик инвесторлар консорциумига сотилди
Нидерландиянинг Yandex N.V. компанияси «Яндекс» бизнесини сотиш бўйича битимни тўлиқ ёпди ва гуруҳ акциядорлари таркибидан чиқди, деб хабар қилди компания матбуот хизмати 15 июл куни. Ҳужжатда айтилганидек, 2024 йил 31 июлга қадар Yandex N.V. номини ўзгартиради ва «Яндекс» брендларидан фойдаланишни тўхтатади.
Феврал ойида тузилган битим суммаси 475 миллиард рублни ташкил этди (тахминан беш миллиард евро). Унинг шартларига кўра, «Яндекс»нинг Россиядаги барча бизнеси ва хориждаги аксарият лойиҳалари россиялик инвесторлар ва менежерлар консорциумига ўтказилади. «Яндекс» янги бош компанияси - МКПАО «Яндекс» - Калининград вилоятида рўйхатдан ўтган. «Яндекс» қидирув, шаҳар, кўнгилочар ва таълим хизматлари, булутли ва сунъий интеллект технологиялари, автоном транспорт ва бошқа истиқболли йўналишларни ривожлантиришда давом этмоқда», — дейилади пресс-релизда.
Bloomberg манбаларига кўра, «Яндекс» асосчиси Аркадий Волож «Яндекс» бош директори этиб тайинланади - Yandex N.V. шундай ном олиши кутилмоқда. Волож ҳозирда Россиядан ташқарида тўртта йўналишни ривожлантирмоқда – булутли технологиялар, учувчисиз транспорт воситалари, сунъий интеллект ва дастурчилар учун онлайн таълим. Компанияда асосан Россия Федерациясида қолишни истамаган собиқ «Яндекс» ходимлари ишлайди.
Тавсия этамиз
Маск кетади, DOGE ҳам ўз фаолиятини тўхтатади – Трамп
Жаҳон | 18:12 / 01.04.2025
1 апрелдан Россиядаги мигрантларга бир қатор чекловлар кучга кирди
Жаҳон | 17:12 / 01.04.2025
Мактабларни тўлиқ 5 кунлик ўқиш ва иш режимига ўтказиш таклиф қилинмоқда
Ўзбекистон | 16:53 / 01.04.2025
Ёзда топ-клублар «талашиши» кутилаётган 11 ҳужумчи
Спорт | 15:30 / 01.04.2025
Сўнгги янгиликлар
-
Коста-Рика собиқ президентининг Америка визаси бекор қилинди
Жаҳон | 19:02
-
Yashil Meros: Ҳар бир Click фойдаланувчиси Ўзбекистонни кўкаламзорлаштиришга ҳисса қўша олади
Жамият | 19:00
-
Чегара муаммолари ҳал бўлдими? Марказий Осиёнинг бугунги манзараси – экспертлар нигоҳида
Жаҳон | 18:24
-
Хитойда кичик ядро батареясини ишлаб чиқариш йўлга қўйилди
Фан-техника | 18:23
Мавзуга оид

13:39 / 16.07.2024
«Яндекс» бизнеси россиялик инвесторлар консорциумига сотилди

09:52 / 28.08.2023
«Яндекс» асосчиси Волож ЕИдан ўзига нисбатан санкцияларни бекор қилишни сўради

15:03 / 10.08.2023
«Яндекс» асосчиси Волож Украинадаги ҳарбий ҳаракатларга қарши чиқди

20:40 / 03.06.2022