Парижда Ўзбекистон маданияти кунлари ўтказилади

Ўзбекистон элчиси Нодир Ғаниев Париж шаҳри мэри ўринбосари Арно Нгатча билан учрашув ўтказди.

Фото: Getty Images

Мэр ўринбосари Арно Нгатча икки мамлакат пойтахтлари Тошкент ва Париж шаҳарлари ўртасида ўзаро ҳамкорлик ва биродарлик алоқаларини йўлга қўйиш ҳамда тегишли келишувни ишлаб чиқиш бўйича таклифни юқори баҳолади.

Шунингдек, Франция томони Париж шаҳрида шу йил май ойида бўлиб ўтадиган Ўзбекистон маданияти кунлари тадбирларини юқори даражада ташкил этиш бўйича барча зарур ёрдам кўрсатилишини тасдиқлади.