Хитой, Россия ва Эрон барча ноқонуний санкцияларни бекор қилишга чақирди
Пекинда Эрон ядро дастури масалалари муҳокама қилинган музокаралар якунида Хитой, Россия ва Эрон вакиллари Теҳронга қарши барча «ноқонуний бир томонлама санкциялар»ни тўхтатишга чақиришди.

Фото: AP
Хитой, Россия ва Эрон биргаликда АҚШ ва бошқа давлатларни Теҳронга қарши ядровий дастури туфайли жорий этилган санкцияларни бекор қилишга чақирди. Бу ҳақда 14 март, жума куни Пекинда бўлиб ўтган уч томонлама учрашув якунлари бўйича тегишли баёнот берилди. Музокараларда Хитой ташқи ишлар вазири ўринбосари Ма Чжаоху, Россия Федерацияси ташқи ишлар вазири ўринбосари Сергей Рябков ва Эрон ташқи ишлар вазири ўринбосари Казем Ғариб-Абадий иштирок этди.
Россия Ташқи ишлар вазирлиги сайтида чоп этилган қўшма баёнотда Хитой, Россия ва Эрон Эрон ядро дастури бўйича «чуқур муҳокамалар» ўтказгани ва барча «ноқонуний бир томонлама санкциялар»ни тўхтатиш зарурлигини таъкидлаган. Уч мамлакат сиёсий ва дипломатик алоқалар, шунингдек, манфаатларга ўзаро ҳурматга асосланган мулоқот вазиятни ҳал қилишнинг «ягона ҳаётий ва самарали варианти» бўлиб қолаётганини яна бир бор тасдиқлади.
Учрашув иштирокчилари, шунингдек, 2015 йилда келишилган Эрон ядровий битимини ратификация қилган БМТ Хавфсизлик Кенгашининг 2231-резолюциясини амалга ошириш муҳимлигини таъкидладилар. Улар Эрон ядровий муаммоси атрофида вазиятнинг кескинлашувига олиб келадиган ҳар қандай ҳаракатлардан тийилишга ва дипломатик саъй-ҳаракатлар учун «қулай муҳит ва шарт-шароит» яратишга чақирди.
Бундан ташқари, уч давлат Ядро қуролини тарқатмаслик тўғрисидаги шартномага риоя қилиш муҳимлигини қайд этди. Хитой ва Россия «Эроннинг ядровий дастури соф тинч мақсадларга қаратилганлиги ва ядровий қурол ишлаб чиқаришни мақсад қилгани йўқлигини тасдиқлашини олқишлади», дейилади баёнотда. Йиғилиш иштирокчилари, шунингдек, барча мамлакатларни Атом энергияси бўйича халқаро агентлик фаолиятига тўсқинлик қилмасликка чақирди.
Тавсия этамиз
Путин Россия Одессага даъво қилмаслиги шартини айтган – «Коммерсант»
Жаҳон | 22:26 / 19.03.2025
Қозоғистонда амалдорлар қамоқхоналарга экскурсияга олиб борилмоқда
Жаҳон | 18:16 / 19.03.2025
Трамп: «Украинага босим ўтказишга мажбур бўлгандик»
Жаҳон | 20:53 / 18.03.2025
Temu Ўзбекистонда юридик шахс сифатида рўйхатдан ўтди
Ўзбекистон | 20:25 / 18.03.2025
Сўнгги янгиликлар
-
Шавкат Мирзиёев Ўзбекистон халқини Наврўз байрами билан табриклади
Ўзбекистон | 10:33
-
Исроил вазирлар маҳкамаси "Шабак" махсус хизмати раҳбарини ишдан бўшатишни маъқуллади
Жаҳон | 10:32
-
“Бу кутилаётган ҳибс эди” — таҳлилчилар Имомўғлининг қўлга олиниши ҳақида
Жаҳон | 10:25
-
Орбан ЕИнинг барча 27 давлатининг Украина бўйича декларациясини блоклади
Жаҳон | 09:59
Мавзуга оид

19:10 / 20.03.2025
Хитойда тўрт нафар Канада фуқароси қатл этилди

10:06 / 20.03.2025
Хитойда уй ҳайвонларини клонлаш хизмати оммалашмоқда

00:55 / 20.03.2025
Хитойда институтнинг собиқ ходими жосуслик учун ўлим жазосига ҳукм қилинди

22:02 / 18.03.2025