Россиядаги «чет эл агентлари» рўйхати журналистлар ва блогерлар билан тўлдирилди

Россия Адлия вазирлиги «чет эл агентлари» рўйхатига яна тўрт кишини қўшди. Бу ҳақда 18 апрел, жума куни бўлим веб-сайтидаги кенгайтирилган рўйхатдан маълум бўлди. Рўйхатга журналист Ирина Баблоян, блогер Мария Чистякова (Мари Говори), иқтисодий шарҳловчи Вячеслав Ширяев, блогер ва бодибилдер Александр Шпак киритилган.

Россия агентлигига кўра, улар расмийлар ва Россия қуролли кучларининг ҳаракатлари ҳақида ёлғон маълумот тарқатишган.

Баблоян — «Эхо Москвы» каналининг собиқ бошловчиси; радиостанция ёпилгандан сўнг, у «Живой Гвозд» эфирида ишлаяпти.

2024 йил бошидан буён Шпакка қарши урушга қарши баёнотлар ва Россия сиёсатига норозилик сифатида паспортини ёқиб юборгани учун учта жиноий иш қўзғатилди, дея эслатади "ОВД-Инфо" медиа лойиҳаси.

Унинг маълумотларига кўра, Россияда Чистяковага нисбатан иш ҳам очилган — у «диндорларнинг ҳис-туйғуларини ҳақорат қилиш»да айбланган.

Ширяевнинг 39 400 обуначига эга YouTube канали бор. «Ҳамкасбларим билан бирдамман, Россия Федерациясида урушни қоралаб, мамлакат озод этилишига ишончини сақлаб, муносиб инсон бўлиб қолишда давом этаётган ҳар бир кишига қўллаб-қувватлашимни билдираман. Менинг овозим — сизнинг овозингиз», — деб ёзган Ширяев Facebookʼда.

Тўрт нафари ҳам Россия Федерациясидан ташқарида яшайди.