Мерц Трампга Украинадаги урушни биргаликда тугатишни таклиф қилди

Германия канцлери Фридрих Мерц Вашингтонга биринчи ташрифи чоғида АҚШ президенти Доналд Трампни Россиянинг Украинага қарши урушини тугатиш ҳаракатларидаги «асосий шахс» деб атади. «Биз бу уруш қанчалик даҳшатли экани ҳақида бир фикрга келдик ва уни тугатиш йўлларини излаяпмиз», деди у 5 июн, пайшанба куни Овал кабинетдаги музокаралардан сўнг.

Мерц Америка президентини Россияга босимни кучайтиришга чақирди ва Украинадаги урушни тугатиш учун биргаликда ҳаракат қилишни таклиф этди. Қўшма Штатлар «бу урушни тугатиш учун жуда кучли позицияда», деб тушунтирди у. «Биз қўлимиздан келган барча ишни қилишга тайёрмиз», — дея қўшимча қилди Мерц.

Шу билан бирга, у Россия уруш тажовузкори ва қўзғатувчиси эканлигини аниқ таъкидлади. «Биз Украина томонидамиз», деб таъкидлади у ҳамда Германия ва Европа Иттифоқи Киевни кучлироқ қилишга ҳаракат қилаётганини қўшимча қилди. Ўз навбатида, Трамп бу борада аниқ бир баёнот бермади.

Германия канцлерини Оқ уйда қабул қилар экан, у Германиянинг мудофаа харажатларини ошириши ҳақида ижобий фикр билдирди. «Биламанки, сиз ҳозир мудофаа учун кўпроқ пул сарфлаяпсиз ва бу ижобий ҳолат», — деди у.