Аэропортда танасига 250 грамм қуйма олтинни яшириб олиб ўтаётган шахс ушланди

Фарғона аэропортида танасига 250 грамм қуйма олтинни яшириб олиб ўтаётган шахс тўхтатилди.

Фото: Фарғона божхона бошқармаси

Вилоят божхона бошқармаси хабар беришича, Фарғона аэропортида фуқаро танасида 250 грамм қуйма олтинни олиб чиқиб кетаётганида тўхтатиб қолинди.

Аэропортда хорижга учиб кетаётган фуқаронинг хатти-ҳаракатлари божхона ходимларида шубҳа уйғотган. Шу боис фуқаро Body Scaner назорат техник воситаси ёрдамида шахсий кўрикдан ўтказилган.

Натижада фуқаро тана аъзосига яширилган умумий қиймати 358 млн сўмлик, оғирлиги 250 граммга тенг бўлган 3 дона қуйма олтин бўлаклари борлиги аниқланди.