Андижон вилоят божхона бошқармасининг «Дўстлик» чегара божхона постида кўп миқдордаги валютани ноқонуний равишда четга олиб чиқиб кетишга уриниш фош бўлди.
Маълум қилинишича, божхона ходимлари чегара вакиллари билан ҳамкорликда Ўзбекистондан Қирғизистонга чиқиб кетаётган «Волво» русумли транспорт воситаси ҳайдовчисини божхона назоратидан ўтказиш жараёнида шубҳа остига олган.
Божхона текшируви чоғида оғзаки сўровда маълум қилинмаган ва белгиланган тартибда декларацияланмаган, ҳайдовчининг қўл сумкаси ҳамда кийимининг ички чўнтак қисмига яширилган 34 минг АҚШ доллари борлиги аниқланган.
Ҳозирда мазкур ҳолат юзасидан суриштирув ишлари олиб борилмоқда.
