Мигрантларни Россияга киришдан олдин тиббий кўрикдан ўтказиш ва эмлаш таклиф этилди

Россиянинг собиқ бош санитар шифокори Геннадий Онишченко мигрантларни мамлакатга киришдан олдин тиббий кўрикдан ўтказиш ва эмлашга чақирди.

Онишченконинг фикрича, хорижликларнинг ватани билан олдиндан тиббий кўрикдан ўтиш ва эмлаш бўйича келишиб олиш керак.

Унинг сўзларига кўра, агар Россияга хорижий мутахассислар керак бўлса, у ҳолда уларнинг мамлакатда қолиши учун шарт қўйиш керак.

«Кечирасиз-у, нега ўтирибмиз? Агар биз мигрантларни жалб қилсак, уларга шарт қўйишимиз керак», деди у.

Бугунги кунда Россия кўплаб муҳим иш ўринларини эгаллаган меҳнат мигрантларисиз яшай олмайди - мисол тариқасида академик кўпинча чет элликлар ишлайдиган кўча супирувчиларини келтирди. У «катта ва савобли иш қилишаётганини» таъкидлаб, тақиқлар ўрнига уларнинг соғлиғи устидан назоратни кучайтириш кераклигини айтди.

Онишченко ОИТС тарқалиши пайтида мамлакатлар ўртасида фақат текширувдан ўтган ва тегишли ҳужжатларга эга бўлган чет элликлар қабул қилиниши тўғрисида олдиндан шартномалар тузилган мавжуд тажрибага асосланишга чақирди.

«Биз аввал давлатлар билан шартнома тузиб, уларнинг одамлари бизга тиббий кўрикдан ўтган ҳолда келиши кераклигини айтгандик. Баъзи баъзи давлатларга ишонч билдириб, уларнинг ҳужжатларини тан олдик. Кимнидир ўзимиз текширдик. Ҳозир миграция хизматини тартибга солиш керак. Керак бўлса, эмлаш керак!», деди Онишченко.