Хоразмда 119 нафар ходимга 1,3 млрд сўмлик иш ҳақи ундириб берилди

Республика бўйича жорий йилнинг биринчи ярмида 10 501 нафар ходимнинг 129 млрд 769 млн сўм ойлик иш ҳақи ва унга тенглаштирилган тўловлари ундириб берилган.

Фото: Kun.uz

Хоразм вилояти Камбағалликни қисқартириш ва бандлик бошқармаси Давлат меҳнат инспекцияси томонидан WBM Qo‘shko‘pir Claster МЧЖ корхонаси фаолиятида меҳнат ҳуқуқлари бузилиши юзасидан хизмат текшируви ўтказилди.

Натижада корхона томонидан жорий йилнинг шу даврига қадар 119 нафар ходимга иш ҳақлари тўланмагани аниқланиб, мазкур ходимларга 1 миллиард 310 миллион сўм миқдорида иш ҳақи ва унга тенглаштирилган тўловлар ундириб берилди.

Республика бўйича жорий йилнинг биринчи ярмида Давлат меҳнат инспекцияси томонидан ўтказилган назорат тадбирлари давомида 10 501 нафар ходимнинг 129 млрд 769 млн сўм ойлик иш ҳақи ва унга тенглаштирилган тўловлари ундириб берилган.