Президент экспорт қарздорлигига мораторий эълон қилди

Савдо-саноат палатасида ўтган очиқ мулоқотда тадбиркорлар қарзни бир неча ойга кечиктиришни сўраган эди. Президент эса сўралганидан ҳам кенгроқ енгилликни эълон қилди: экспортда муддати ўтган қарздорлик учун жарима ҳисоблаш ва ундириш бир йилга тўхтатилди.

Фото: Президент матбуот хизмати

Айни вақтда Тадбиркорлар куни муносабати билан президент Шавкат Мирзиёевнинг тадбиркорлар билан учрашуви ўтмоқда.

Учрашувда давлат раҳбари давлат улуши бўлмаган корхоналарга экспортда муддати ўтган қарздорлик учун жарима ҳисоблаш ва ундиришга бир йиллик мораторий эълон қилди.

Бу масала 4 август куни Савдо-саноат палатаси томонидан ўтказилган тадбиркорлар билан очиқ мулоқотда кўтарилган эди. Тадбиркорлар қарзни 2-3 ойга кечиктиришни сўраган, президент эса бир йиллик тўлиқ мораторийни тасдиқлади. Натижада, тадбиркорлар сўраган имкониятдан ҳам кенгроқ ва тизимли ечим қабул қилинди.

Бугунги очиқ мулоқотга тайёргарлик давомида 26 та соҳанинг 7 мингга яқин вакиллари билан алоҳида-алоҳида учрашувлар ўтказилди. “Колл-марказ” орқали ҳам 13 мингдан зиёд мурожаат ва ташаббуслар келиб тушди.

Тайёрлаган: Комрон Чегабоев

#экспорт #тадбиркор