Трамп Путин билан бўлажак суҳбати ҳақида маълум қилди

АҚШ президенти Доналд Трамп яқин орада Россия президенти Владимир Путин билан мулоқот қилишни режалаштирмоқда. 5 сентябр, жума куни Оқ уйда бўлиб ўтган брифингда Трамп: "Ҳа, шундай қиламан. Биз жуда яхши мулоқот қилдик", деди.

Айни пайтда, Россия президентининг матбуот котиби Дмитрий Песковнинг сўзларига кўра, Кремлда Россия Федерацияси ва АҚШ президентлари ўртасида «телефон суҳбатини ташкил қилиш» учун ҳозирча ишланмалар йўқ, бироқ уни «тезкор ташкил этиш» мумкин, деб хабар беради «Интерфакс».

Аввалроқ Доналд Трамп Украина раҳбарининг Парижга ташрифи чоғида Украина президенти Володимир Зеленский ва «кўнгиллилар коалицияси» вакиллари билан телефон орқали мулоқот қилиб, Киев учун хавфсизлик кафолатларини муҳокама қилган эди. Reuters хабарига кўра, бир соат давом этган телефон суҳбати чоғида АҚШ президенти Европа етакчиларини Россия нефтини харид қилишни тўхтатишга ва Хитой Россиянинг Украинадаги ҳарбий ҳаракатларига молиявий ёрдам кўрсатаётгани учун унга иқтисодий босим ўтказишга чақирган.