Аёлнинг кайфияти — бутун уйнинг энергияси

Психологлар таъкидлашича: аёл кайфияти — бу руҳий ҳолатнинг физик ҳаётга акс этишидир. Агар у чарчаган бўлса, унинг овози ҳам, нигоҳлари ҳам, уй муҳити ҳам шунга мос бўлади. Шунинг учун ҳар бир аёл ўз кайфиятини асрашни ўрганиши керак. Бу нафақат ўзи учун, балки уни қуршаб турган барча одамлар учун муҳим.

Аёл кайфиятини асраш учун амалий тавсиялар:

1. Ҳар бир аёл тонгни телефонга кўз ташлашдан эмас, ўз ҳисларига кўз ташлашдан бошлаши керак. Ўзига “бугун мен нимага муҳтожман?” деган саволни бериш кунни режалаштириш дегани.

Кичик нарсалар — бир пиёла чой, бир дақиқа сукут ёки қуёш чиқишини кузатиш — бу ҳаётга шукр билан қарашни ўргатади.

2. Ҳаётда ҳамиша идеал кун бўлмайди. Аммо ҳар бир вазиятда хотиржамликни топиш учун тинчликни танлаш, шукур ҳиссини эслаш доим фойда беради. Бу сўз аёлнинг ички кучини уйғотади.

3. “Мен ҳам инсонман” деган сўз — заифлик эмас, балки ақл аломати. Бу ҳисни тан олиш орқали аёл ўзини қайта тиклайди. Ҳиссий зўриқишдаги аёл ҳеч қачон яхши рафиқа ёки яхши она бўла олмайди. Буни бошқалардан яширмасдан ёрдам сўраш керак.

4. Аёл кайфиятини ёмон муҳит тез сўндириши мумкин. Шунинг учун сизни руҳлантирадиган одамлар билан кўпроқ мулоқотда бўлинг. Бир самимий суҳбат, бир “сен яхши инсонсан” деган сўз кўп нарсани ўзгартиради.

Бошқаларни қувонтириш учун катта иш шарт эмас. Йўлдаги табассум, уйдагиларга ширин сўз, ишда ҳамкасбингга қаҳва — буларнинг ҳар бири ҳаётни ёритади.

5. Қисқа сайр, енгил мусиқа ёки рақс — стрессни камайтиради, қонда “бахт гормони” эндорфинни кўпайтиради. Аёл ҳаракат қилган сари руҳий енгилликни ҳис қилади.

Камида ҳафтасига бир соат фақат ўзингиз учун ажратилсин: китоб, филм, ёзув, ёки ҳеч нарса қилмаслик. Бу вақт — кайфиятни қайта тиклашнинг асосий манбаи.

Аёлнинг кайфияти уйдаги ҳароратни белгилайди. Агар у руҳан тинч бўлса, болалар ҳам, турмуш ўртоқ ҳам шу тинчликни ҳис қилади. Шунинг учун ўзингизга ғамхўрлик қилиш — оилага ғамхўрлик қилишнинг бошланғич нуқтаси.