Андижонда ҳайдовчи ухлаб қолиши оқибатида ЙТҲ содир бўлди

ЙТҲ оқибатида Nexia-3 нинг бир нафар йўловчиси тан жароҳати олиб, туман шифохонасига мурожаат қилган.

Фото: Telegram/AndYHXB_pressa

Андижон вилояти Олтинкўл туманида ҳайдовчи ухлаб қолиши оқибатида автомобиллар тўқнашуви содир бўлди. Бу ҳақда вилоят ЙҲХБ хабар берди.

Хабарга кўра, воқеа 23 октябр куни соат 13:15 атрофида Олтинкўл тумани “Оқтепа” маҳалласи ҳудудидан ўтган Д-105 “Фарғона ҳалқа йўли”нинг 132-километрида юз берган.

1990 йилда туғилган ҳайдовчи В.М. ўзининг Nexia-3 автомашинаси бошқариб кетаётиб ухлаб қолган ва йўлнинг қарама-қарши томонига чиқиб кетиб, ўз йўналишида келаётган Nexia билан тўқнашган.

ЙТҲ оқибатида Nexia-3 нинг бир нафар йўловчиси тан жароҳати олиб, туман шифохонасига мурожаат қилган.

Ҳозирда мазкур ҳолат юзасидан Олтинкўл тумани ИИБ Йўл ҳаракати хавфсизлиги гуруҳи ходимлари томонидан суриштирув ишлари олиб борилмоқда.

#Олтинкўл #ЙТҲ

Kun.uz янгиликларини Google News'да кузатинг

+ Обуна бўлиш