Ўзбекистонда аҳоли зичлигида ўсиш тенденцияси сақланмоқда

Миллий статистика қўмитаси маълумотларига кўра, 2025 йил 1 октябр ҳолатига мамлакатда ҳар 1 км² майдонга ўртача 84,8 киши тўғри келади. Бу кўрсаткич ўтган йилнинг шу даврига нисбатан 1,6 киши/км²га ошган.

Фото: Kun.uz

Расмий маълумотлар сўнгги йилларда аҳоли зичлиги барқарор ўсишини кўрсатмоқда. Йиллар кесимида 1 км²га тўғри келадиган аҳоли сони қуйидагича рўйхатдан ўтган:

2021 — 78,1 киши/км²;
2022 — 79,8 киши/км²;
2023 — 81,5 киши/км²;
2024 — 83,2 киши/км²;
2025 — 84,8 киши/км².

Йиллик ўзгариш: 2024 → 2025 оралиғида +1,6 киши/км² (тахминан +1,9%). Беш йиллик динамика: 2021 → 2025 даврида +6,7 киши/км² (≈+8,6%).

Мазкур тенденция шаҳарлашув жараёнлари, ички миграция ва табиий ўсиш омиллари ҳисобига шарҳланади. Мутасаддилар инфратузилма, уй-жой, ижтимоий хизматлар ва транспорт режалаштиришда ушбу динамикани ҳисобга олиш зарурлигини қайд этмоқда.

Тайёрлаган: Отабек Матназаров

#аҳоли #статистика