Туристлар оқими: эркаклар улуши аёлларникидан юқори

Миллий статистика қўмитасига кўра, 2025 йил январ–сентябр ойларида туристик мақсадларда Ўзбекистонга келган чет эл фуқаролари сони қарийб 8,56 млн нафарни ташкил этди. Шундан эркаклар — 4,64 млн (≈54,2 фоиз), аёллар — 3,92 млн (≈45,8 фоиз).

Фото: Миллий статистика қўмитаси

Қўмита маълумотлари хорижий меҳмонлар таркибида эркаклар улуши устун эканини кўрсатмоқда. Ёш кесимида эса энг йирик тоифа 31–55 ёшдаги меҳмонлардан иборат.

Жинс бўйича тақсимот:

эркаклар: 4 641 212 нафар — ≈54,2 фоиз;
аёллар: 3 920 666 нафар — ≈45,8 фоиз.

Жами: 8 561 878 нафар

Ёш бўйича тақсимот:

0–18 ёш: 1 153 655 (≈13,5 фоиз);
19–30 ёш: 1 407 260 (≈16,4 фоиз);
31–55 ёш: 4 297 649 (≈50,2 фоиз);
56+ ёш: 1 703 314 (≈19,9 фоиз).

Бу кўрсаткичлар туристик мақсад билан кирган чет эл фуқароларини ўз ичига олади (дам олиш, зиёрат, хизмат сафари ва бошқа йўналишлар умумий ҳисобда берилади).