Қўшимча функционаллар
-
Тунги кўриниш
Жамият | 16:19 / 19.11.2025
1271
1 дақиқада ўқилади
Тошкентда «Дамас» иштирокидаги ЙТҲда икки киши жароҳатланди
Пойтахтнинг Бектемир туманида «Дамас» русумли автомашина иштирокида йўл-транспорт ҳодисаси содир бўлиб, икки нафар йўловчи жароҳатланди. Ҳолат юзасидан суриштирув ишлари олиб борилмоқда.
Тошкент шаҳар ИИББ ЙҲХБ маълумотига кўра, 2025 йил 17 ноябр куни Бектемир туманида йўл-транспорт ҳодисаси қайд этилган.
Оҳангарон шоҳкўчасида ҳаракатланиб келаётган «Дамас» русумли автомашина ҳайдовчиси рул бошқарувини йўқотиши натижасида ЙТҲ содир бўлган.
Ҳодиса оқибатида автомашинада бўлган икки нафар йўловчи жароҳат олиб, шифокорлар томонидан уларга биринчи тез тиббий ёрдам кўрсатилган.
Айни пайтда мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
