Ўзбекистонда 9 ойда энг кўп чақалоқ Самарқанд вилоятида туғилган

2025 йилнинг январ–сентябр ойларида Ўзбекистонда 664,6 мингта тирик туғилиш ҳолати қайд этилган. Бу ҳақда Миллий статистика қўмитаси маълум қилди.

Қўмита маълумотига кўра, ҳудудлар кесимида энг кўп чақалоқ Самарқанд вилоятида туғилган бўлиб, бу даврда 80 903 та туғилиш рўйхатга олинган.

Кейинги ўринларда Қашқадарё (75 116 та) ва Фарғона (74 614 та) вилоятлари  қайд этилган.

Январ-сентябр ойларида Сурхондарё вилоятида 61 128, Андижон вилоятида 60 131, Наманган вилоятида 57 881, Тошкент вилоятида 49 007 ва Тошкент шаҳрида 47 703 чақалоқ дунёга келган.

Хоразм вилоятида 33 011, Бухоро вилоятида 32 624, Қорақалпоғистон Республикасида 29 523, Жиззах вилоятида 28 484 та туғилиш қайд этилган.

Энг кам туғилишлар Навоий (18 594 та) ва Сирдарё (15 879 та) вилоятларида кузатилган.