Ноябрда уй-жой савдоси ошди, ижара нархлари ҳам ўсди

Иқтисодий тадқиқотлар ва ислоҳотлар маркази ноябр ойи учун кўчмас мулк бозори таҳлилини янгилаб, уй-жой олди-сотди битимлари сони 25 мингтага етгани, айрим вилоятларда ўсиш юқори бўлгани ҳамда Тошкентда ижара нархи йиллик ҳисобда кўтарилганини маълум қилди.

Фото: Kun.uz

Иқтисодий тадқиқотлар ва ислоҳотлар маркази ноябр ойи учун Ўзбекистондаги кўчмас мулк бозорида кузатилган ўзгаришлар таҳлилини тақдим этди.

Таҳлилга кўра, мамлакатда уй-жой олди-сотди шартномаларининг умумий сони ўтган йилнинг шу даврига нисбатан 13,2 фоизга ошиб, 25 мингта битимни ташкил этган. Йиллик ҳисобда энг юқори ўсиш суръатлари Бухоро вилоятида (35,4 фоиз), Қашқадарё вилоятида (26,5 фоиз) ва Самарқанд вилоятида (21,7 фоиз) қайд этилган.

Республика бўйича иккиламчи уй-жой бозорида йиллик ҳисобда нархларнинг ўртача 7 фоиз атрофида мўътадил ўсиши кузатилган.

Ижара бозори бўйича эса, ноябр ойида Тошкент шаҳрида ўртача ижара нархи 1 кв.м учун 8,7 долларни ташкил этган. Бу кўрсаткич ўтган йилнинг шу даврига нисбатан 5 фоизга юқори экани айтилди.

Тайёрлаган: Отабек Матназаров

#ижара #уй-жой