Атака – ҳамла, лагер – жамлоқ. Мудофаа соҳасига оид атамаларнинг ўзбекча муқобили таклиф этилмоқда

Хабар қилинишича, хорижий атамаларни ўзбекча муқобилларига алмаштириш бўйича тегишли ташкилотлар ишчи гуруҳлари юборган таклифлар Атамалар комиссиясининг ишчи кенгаши томонидан кўриб чиқилди.

Рўйхатдан 41 та атама ўрин олган бўлиб, уларнинг ўзбек тилидаги муқобили Мудофаа вазирлиги томонидан таклиф этилган.

Жумладан, атака – ҳамла, каска — дубулға, противогаз — газниқоб, дозор – эровул, дубинка — таёқ, блокпост — тўсиқпост, лагер – жамлоқ, полигон — дала ўқув майдони.

Ишчи орган ушбу тақдим этилган атамаларнинг миллий муқобиллари бўйича бошқа фикр ва мулоҳазаларни ҳам мамнуният билан қабул қилади ва кўриб чиқади.

Фуқаролар ўз фикр-мулоҳазаларини қуйидаги ҳавола орқали ёзиб қолдириши мумкин. Агар ўзбекча муқобил вариант ёқмаган бўлса, унда учинчи жавоб варианти ўрнида ўз таклифларини ҳам билдиришлари ҳам мумкин.