Қўшимча функционаллар
-
Тунги кўриниш
Комплаенс йўналиши бўйича бош прокурор ўринбосари тайинланди
Ўзбекистон президенти фармонига мувофиқ, Баҳодир Зокир ўғли Нормуродов Ўзбекистон бош прокурорининг комплаенс ва коррупцияга қарши ички назорат бўйича ўринбосари лавозимига тайинланди. У шу муносабат билан президент администрациясидаги комплаенс хизмати шуъба мудири вазифасидан озод этилди.
Ўзбекистон президентининг фармони билан Баҳодир Зокир ўғли Нормуродов Ўзбекистон Бош прокуратураси тизимида комплаенс ва коррупцияга қарши ички назорат бўйича бош прокурор ўринбосари лавозимига тайинланди.
Маълум қилинишича, мазкур лавозим доирасида ички назорат механизмларини янада кучайтириш, комплаенс талабларига риоя этилишини таъминлаш, коррупция хавф-хатарларини барвақт аниқлаш ва олдини олишга қаратилган ишлар самарадорлигини ошириш каби вазифаларга алоҳида эътибор қаратилиши кўзда тутилади.
Шунингдек, манфаатлар тўқнашувининг олдини олиш, хизмат интизоми ва шаффофликни таъминлашга қаратилган профилактик чора-тадбирларни мувофиқлаштириш ҳам ушбу йўналишнинг муҳим қисми ҳисобланади.
Тайинлов муносабати билан Баҳодир Зокир ўғли Нормуродов Ўзбекистон президенти администрациясидаги комплаенс хизмати шуъба мудири лавозимидан озод этилди.
