Темирйўл ва метрода хавфсизлик қоидаларини бузганлик учун жарималар белгиланди

Янги қонун билан айрим қонун ҳужжатларига ўзгартириш ва қўшимчалар киритилди. Ҳужжатга кўра, темирйўл транспорти ва метрополитенда ҳаракат ҳамда ташиш хавфсизлиги талабларини бузганлик учун маъмурий жавобгарлик белгиланди. 

Қўшимчаларга мувофиқ:

• темирйўл транспорти ва метрополитенда ҳаракат ва ташиш хавфсизлиги талабларини бузганлик учун мансабдор шахслар ва хизматчиларга БҲМнинг 10 баравари миқдорида жарима солиш назарда тутилади;
• шунингдек, темирйўл ва метрополитенда хавфсизлик бузилиши билан боғлиқ ҳодиса ёки у ҳақдаги маълумотларни қасддан яшириш ҳам мансабдор шахсларга БҲМнинг 10 баравари миқдорида жаримага сабаб бўлиши белгиланди;
• автомобил транспортида тегишли гувоҳнома ёнида бўлмаган ҳолда йўловчи ташиш, йўл ҳақи тарифларини ошириш, мунтазам йўналиш бўйича тасдиқланган қатнов жадвалига амал қилмаслик, тасдиқланган йўналиш схемасидан четга чиқиш учун БҲМнинг 3 баравари миқдорида жарима қўллаш кўзда тутилди.