Қорақалпоғистонда ЙТҲ натижасида автомобил салонида қисилиб қолган ҳайдовчи қутқарилди

Шифокорларга кўра, ҳайдовчи жиддий тан жароҳатлари олмаган ва ҳозирда унинг аҳволи яхши.

Фото: Видеодан кадр

Фавқулодда вазиятлар вазирлигининг хабарига кўра, ҳодиса 18 апрел куни Нукус шаҳридаги автомобил йўлларидан бирида содир бўлди.

Маълум қилинишича, йўл-транспорт ҳодисаси натижасида ҳайдовчи автомобил салонида қисилиб қолган.

ФВБ қутқарувчилари зудлик билан воқеа жойига етиб келиб, махсус техника ёрдамида жабрланувчини шикастланган транспорт воситасидан соғ-омон чиқариб олган.

Шифокорларга кўра, ҳайдовчи жиддий тан жароҳатлари олмаган ва ҳозирда унинг аҳволи яхши.