Испаниянинг «Барселона» клуби собиқ ҳужумчиси, ҳозир MLS’нинг «Чикаго Файр» жамоасида тўп тепаётган Роберт Левандовскини расмий сайтидаги клуб афсоналари бўлимига қўшди.
37 ёшли полшалик футболчи клуб тарихида энг сезиларли из қолдирган ўйинчилар рўйхатидан жой олди. Бу бўлимда, шунингдек, Лионел Месси, Хосеп Гвардиола, Диего Марадона, Йохан Кройфф ва «Барселона»нинг бошқа собиқ футболчилари ҳам бор. Рўйхатда жами 110 та исм мавжуд.
Левандовски Мюнхеннинг «Бавария» клубидан трансфер қилинганидан сўнг 2022 йилдан бери тўп тепиб келаётган «Барселона»ни тарк этишини маълум қилганди.
Полшалик футболчи Каталония клуби билан уч марта Испания чемпионлиги, бир марта мамлакат Кубоги ва уч марта Суперкубогини қўлга киритган. Унинг ҳисобида 193 та ўйинда урилган 120 та гол бор.
У Полша терма жамоаси сафида 167 та ўйинда 89 та гол урган (ҳар иккала кўрсаткич бўйича рекордчи). Левандовски тўртта Европа ва иккита Жаҳон чемпионатида иштирок этган.
