Фарғонанинг «Нефтчи» клуби 26 октябрь куни OФК Элит Осиё Чемпионлар Лигаси гуруҳ босқичининг 3-турида ўз майдонида Саудия Арабистонининг «Ал-Иттиҳод» клубини қабул қилди.
Ўйин аввалида мезбонлар бироз устунликка эга бўлди ва 17-дақиқада Жамшид Искандеров пенальтини аниқ амалга ошириб, ҳисобни очди. 34-дақиқада Уссам Ауар ҳисобни тенглаштирди. Ўйиннинг сўнгги дақиқасида Юсуф Эн–Несири жарима зарбасини аниқ амалга ошириб, жамоасига ғалаба келтирди.
Бу натижадан сўнг, Фарғона клуби 3 очко билан мусобақа жадвалида 9-ўринни эгаллаб турибди.
«Нефтчи» навбатдаги ўйинни 2 ноябрь куни сафарда Эроннинг «Трактор» клубига қарши ўтказади. Баҳс Ўмон пойтахти Маскат шаҳрида бўлиб ўтади.
Элит ОЧЛ. Ғарб минтақаси. 3-тур
26 октябрь, Фарғона, «Истиқлол» стадиони
«Нефтчи» (Ўзбекистон) - «Ал-Иттиҳод» (Саудия Арабистони) 1:2
Голлар: Жамшид Искандеров (17 пен) - Уссам Ауар (34), Юсуф Эн-Несири (90)
«Нефтчи»: Ботирали Эргашев, Мишел Аугусто, Боян Цигер (Анвар Ғофуров 46), Аброр Исмоилов (Хуршид Ғиёсов 80), Владимир Йовович (Ян Сассе 46), Жамшид Искандеров, Алишер Одилов (Иброҳимҳалил Йўлдошев 70), Фарруҳ Сайфиев, Коффи Куао, Ратиньо, Маркус Форсс.
Бош мураббий: Исломбек Исмоилов
«Ал-Иттиҳод»: Предраг Райкович, Данило Луис, Ричард Риос, Саад Ал-Муса, Уссам Ауар, Муҳаннад Ал-Шанқитий, Жоржиньо Вейналдум (Мухтор Али 63), Фарис Рифат, Дион Лопи (Аҳмад Ал-Ғамдий 73), Стивен Бергвейн (Марван Ал-Саҳафий 73), Жорж Иленихена (Юсуф Эн-Несири 63)
Бош мураббий: Йенс Виссинг (Германия)
