Тошкентнинг «Пахтакор» клуби Эрон миллий жамоаси ҳимоячиси Муртазо Пуралиганжи трансферини эълон қилди.
34 ёшли футболчи билан йил охиригача мўлжалланган шартнома имзоланди. Унинг шартлари эълон қилинмади.
Муртазо Пуралиганжи фаолияти давомида Эроннинг «Нафт» ва «Персеполис», Хитойнинг «Тианжин» ва «Шенжен», Қатарнинг «Ас-Садд» ва «Ал-Арабий», Белгиянинг «Юпен» клубларида ўйнаган.
Эрон миллий жамоаси сафида 54 баҳсда 3 гол муаллифига айланган. У 2018 ва 2022 йилги жаҳон чемпионати финал босқичида асосий футболчи сифатида иштирок этган. У «Персеполис»дан «Пахтакор»га эркин агент мақомида келиб қўшилди.
