Бош ассамблея олий ҳафтаси нутқларининг биринчи кунида минбарни Бразилия ва АҚШ президентлари очиб берди. Ўнлаб давлат раҳбарлари сўзга чиқди, уларнинг ичида Туркия, Корея, Франсия, Япония, Буюк Британия, Африка давлатлари, Мўғулистон, Хорватия, Финландия, Люксембург, Чили, Перу ва бошқа вакиллар бор.
Хўш, бу йилги тадбир нимаси билан муҳим?
Аввало, бош котиб Гутерриш охирги марта бош ассамблеяда қатнашмоқда, у келаси йилдан бу лавозимда бўлмайди. Шунинг учун зал Гутерришни нутқидан кейин олқишлаб кузатди.
Иккинчидан, ҳатто Эрон президенти бошчилигидаги делегатсия ҳам Ню Йорркда. Унга АҚШ виза берган, аммо медиаси рад қилинган. Пезешкиён 23 сентябр куни олий минбардан чиқиш қилади.
Учинчидан, Венесуэланинг муваққат раҳбарияти БМТ адолатига ишониб, сессияга келганини айтмоқда.
Хитой раиси Си Цзинпин эса яна бош ассамблеяга келмади, лекин Америкага расмий сафар билан келмоқда. Яъни, Хитой раиси Пекиндан тўғридан тўғри Вашингтонга келади. Трамп Ню Йоркни тарк этди, сабаби у ҳамкасбини Вашингтонда қарши олиши керак.
Ўзбекистон делегациясига президент администрацияси раҳбари - Саида Мирзиёева раҳбарлик қилмоқда. У 23 сентябр куни сўзга чиқади. Бироқ, очилиш сессияда ҳам қатнашди, икки томонлама мулоқотлар қилди.
Эслатиб ўтамиз, бош ассамблеяга бу йил 18 мингдан ортиқ делегат кириш рухсатномаларини олган.