Ўзбекистон эшкакчилар жамоаси Осиё ўйинларида сермаҳсуллик кўрсатмоқда.
Академик эшкак эшувчилар Шаҳзод Нурматов ва Собиржон Сафаралиев Осиё ўйинларининг енгил вазнли спортчилар жуфтлигида (LM2x) иштирок этиб, маррага биринчи бўлиб етиб келишди ва олтин медалга эга чиқишди.
Маълумот учун, ушбу жуфтлик жорий йил жаҳон чемпионатида ҳам ғолиб чиқишганди.
Бу эшкак эшувчилар томонидан бугун қўлга киритилган тўққизинчи медал бўлди: бунгача 1 та олтин, 5 та кумуш ва 2 та бронза олинганди.
Олтин
Шоҳсанам Шерзодова (каноэда эшкак эшиш, C1 200 метр)
Шаҳзод Нурматов ва Собиржон Сафаралиев (академик эшкак эшиш, LM2x)
Кумуш
Шаҳбоз Холмурзаев (академик эшкак эшиш, M1x)
Анна Пракатен (академик эшкак эшиш, W1x)
Меҳрож Маматқулов ва Павел Сорин (академик эшкак эшиш, M2x)
Анна Аксенова, Мария Сергеева, Райҳона Сатторова ва Айдана Сметуллаева (академик эшкак эшиш, W4)
Артур Гулиев ва Владлен Денисов (каноэ, C2 500 метр)
Бронза
Арина Танатмишева ва Екатерина Шубина (байдарка, K2 500 метр)
Максим Голубев ва Алишер Турдиев (академик эшкак эшиш, M2).
Энди Ўзбекистон делегацияси умумий рейтингда 3 та олтин, 9 та кумуш ва 7 та бронза билан 8-ўринга кўтарилиб олди.
