Президент Администрацияси раҳбари Саида Мирзиёева 15 октябрь куни Туркия президенти Ражаб Тоййиб Эрдўған билан учрашгани, бундан хурсанд экани, унга Шавкат Мирзиёевнинг самимий тилакларини етказгани ҳақида хабар берди.
«Ўзбекистон ва Туркияни дўстлик ҳамда яқин ҳамкорлик ришталари боғлаб туради. Мулоқот чоғида биргаликдаги саъй-ҳаракатларимиз натижалари ва мамлакатларимиз ўртасидаги алоқаларни янада мустаҳкамлаш истиқболларини муҳокама қилдик.
Жаноб Президентга самимий қабул, Ўзбекистонга қаратилаётган алоҳида эътибор ҳамда қардош халқларимиз ўртасидаги дўстона муносабатларни қўллаб-қувватлаётгани учун чин қалбимдан миннатдорлик билдираман», деб ёзди у ижтимоий тармоқдаги саҳифасида.
