DW хабарига кўра, ҳужум 19 октябр куни, боғда болали оилалар дам олаётган пайтда содир бўлган. Харкив вилояти маъмурияти раҳбари Олег Синегубов зарба Shahed туридаги дрон билан берилганини маълум қилган.
Украина президенти Володимир Зеленскийнинг билдиришича, дрон оддий кафе яқинидаги боғга келиб урилган.
Ҳалок бўлганлар орасида бир ёшдан энди ошган Ангелина исмли қиз ҳам бор. Зеленскийнинг маълумотига кўра, у 2025 йил августда туғилган. Қизнинг онаси Инна эса шифохонада вафот этган.
Ҳужумдан сўнг Зеленский ҳамкор давлатларни Украинанинг ҳаво ҳужумидан мудофаа имкониятларини кучайтиришга чақирган. У тинч аҳоли ҳаётини ҳимоя қилиш учун қўшимча мудофаа воситалари зарурлигини таъкидлаган.
Шунингдек, Украина президенти АҚШ ва Европа мамлакатларини Россияга қарши санкцияларни бекор қилмасликка, Киевни қўллаб-қувватлашни давом эттиришга ҳамда Вашингтоннинг Москвага қарши янги санкцияларини кучга киритишга ундаган.
«Биз тинчлик ўрнатилиши ва хавфсизлик кафолатланиши учун барча имкониятларни ишга солишни сўраймиз. Украина тинчликни хоҳлайди», — деган Зеленский.
