Twitter'da Muhammad Ali heshtegi bir necha soatda dunyo trendiga chiqdi

Muhammad Ali — boks afsonasi bugun, 4 iyun kuni 74 yoshida olamdan o‘tdi. Uning o‘limi ko‘pchilikni ta'sirlantirdi. Bu haqda deyarli barcha sayt, ijtimoiy tarmoqlarda tinimsiz yozishmoqda.

Jumladan, Twitter — mikrobloglar tarmog‘ida u haqida juda ko‘plab fikrlar yozildi. Bir necha soat ichida #MuhammadAli heshtegi bilan yozilgan tvitlar soni ushbu xabar saytga chiqqan paytda 1,5 milliondan oshib ketdi va bu ko‘rsatkich hali ham o‘sib bormoqda.

Butun dunyo bo‘ylab yozilayotgan tvitlar orasida bokschining buyukligi, hayoti davomida erishgan yutuqlari, aytib o‘tgan ibratli gaplari xotirlanmoqda.

Hozirda Muhammad Ali heshtegi dunyo trendida birinchi o‘rinda turibdi. Taqqoslash uchun ta'kidlab o‘tish kerak, ikkinchi o‘rindagi heshteg esa so‘nggi soatlarda 35 ming marta yozilgan.