Britaniya parlamentariylari chegara mudofaasi uchun kemalar sonini ko‘paytirishga chaqirishdi

Buyuk Britaniya parlamentariylari hukumatni mamlakat chegaralarini muhofaza qiluvchi kemalar sonini ko‘paytirishga chaqirdi, zero ularning fikricha, mavjud kemalar mudofaa uchun kamlik qiladi. 

Britaniya chegara mudofaasi floti besh kemadan iborat. May oyida hukumat chegara flotini kuchaytirish haqida e'lon qilgandi. Kemalarning birinchi partiyasi yaqin oylarda yetkazilishi kerak edi, biroq flot keyingi yilning oxiriga borib to‘liq to‘ldirilishi kerak.

“Yangi kemalardan to‘rttasigina hozirgi kunda ishga tushirilgan, ammo qolgan to‘rttasi bilan ham baribir yetarli bo‘lmaydi”, - deyiladi ichki ishlar parlament qo‘mitasining 3 avgust kuni chop etgan ma'ruzasida. 

Ma'ruza mualliflarining ta'kidlashicha, Britaniya chegara kuchlariga “xavfsizlikni ta'minlashda asosiy rol” berilgan. Ularning fikricha, flot yanada kuchli bo‘lishi kerak, shuningdek kichik portlarning xavfsizligi oshirilishi lozim. 

Manbaga ko‘ra, Italiya dengiz chegaralarining xavfsizligini 600 kema ta'minlaydi.