Британия тўлиқ рақамли иммиграция тизимига ўтди. Бу ҳақда мамлакат ҳукумати сайтида маълум қилинди.
UKVI (Буюк Британия иммиграция бошқармаси) аризачилар паспортига виза карточкаларини ёпиштиришни тўхтатди. Эндиликда барча янги визалар электрон тарзда расмийлаштирилади.
Хавфсизлик (уларни йўқотиб қўйиш, ўғирлаш ёки сохталаштиришнинг иложи йўқ), тезкорлик ва қулайлик электрон визаларнинг асосий афзалликлари сифатида қайд этилмоқда.
Агар аризачи мамлакатга киришга рухсат оладиган бўлса, унга электрон виза учун шакл тақдим этилади. Аризачи у билан виза марказига боради. Виза мақомини текшириш учун Британияга боришдан олдин UKVI сайтидаги шахсий кабинетга кириш керак бўлади.
