Ekvador prezidenti o‘z nomzodini saylovlarga qo‘ymaslikka qaror qildi

Ekvador prezidenti Rafael Korrea 19 avgustda 2017 yilgi prezidentlik saylovlariga o‘z nomzodini qo‘ymaslikka qaror qilganini e'lon qildi. 

"Ishonchim komilki, men nomzod bo‘lganimda yana ularni yutgan bo‘lardim: tajribam, tushuncham, yangi vatanim bor, biroq men qaror qabul qildim, mening oilam oldida majburiyatlarim bor, asosiysi – "Mag‘rur va mustaqil vatan alyansi" partiyasida mendan prezidentlik estafetasini qabul qilishga munosib kadrlar bor va albatta, buni men qilgandan ko‘ra yaxshiroq qila oladilar", deb yozdi Korrea tvitterda.

Korrea uning yangi muddatga nomzodining qo‘yilishi uchun 1,5 oy ichida 1,25 mln imzo to‘plagan "Rafael – doim sen bilan" harakati faollariga minnatdorchilik bildirdi.   

Korrea 2006 yilda prezident etib saylangan, o‘shanda u 60 foiz to‘plagandi. 2009 yilda mamlakatning yangi konstitutsiyasi kuchga kirgach, saylovlarning 1-bosqichidayoq yana bir muddatga saylangan. 2013 yilda esa u uchinchi marotaba prezidentlik saylovlarida yutib chiqqan.