Italiyada xarobalar ostida 17 soat qolib ketgan qizcha qutqarildi

Italiyaning zilziladan jabrlangan Peskara-del-Tronto shahrida qutqaruvchilar vayronalar ostidan 10 yoshli qizchani chiqarib olishdi. The Independent ma'lumotiga ko‘ra, ushbu qizcha 17 soat mobaynida xarobalar ostida bo‘lgan.

Uni darhol shifoxonaga olib borishgan. Ayni damda qizchaning hayotiga xavf yo‘q.

Uning oilasi taqdiri noma'lumligicha qolmoqda.

Oxirgi ma'lumotlarga ko‘ra, Italiyaning markaziy qismida 24 avgustga o‘tar kechasi ro‘y bergan 6,1 balli zilzila oqibatida halok bo‘lganlar soni 247 nafar, yana 264 nafar jarohatlangan kishi shifoxonalarda qolmoqda.

Zilzila Latsio, Umbriya va Marke viloyatlariga jiddiy zarar keltirdi.