Putin Si Tszinpinga va'da qilingan muzqaymoqni sovg‘a qildi

Rossiya iqtisodiyot taraqqiyoti vazirligi rahbari Aleksey Ulyukayevning so‘zlariga ko‘ra, Putin XXR raisiga muzqaymoq sovg‘a qilgan. Bu haqida RIA "Novosti" ma'lum qildi.

"Aynan qanday muzqaymoq ekanligini bilmayman, lekin XXR raisi Si Tszinpin juda xursand bo‘ldi. U muzqaymoqni yaxshi ko‘radi. Har safar Moskvaga kelganida muzqaymoq xarid qilishini, endi esa bepul qo‘lga kiritganini aytdi", - dedi Ulyukayev.

Bundan avval Sharq iqtisodiy forumida (ShIF) Uzoq Sharq investorlari bilan bo‘lib o‘tgan uchrashuv davomida Putin Xitoy fuqarolari Rossiyadan o‘zlarining sevimli muzqaymoqlarini olib chiqa olmayotganliklari haqida ma'lumotga ega bo‘lgan. Shundan so‘ng u Si Tszinpinga muzqaymoq sovg‘a qilishni va'da bergan.