Avstriyada turklar va chechenlar o‘rtasidagi mushtlashuv vaqtida serbiyalik tramvay ostida qoldi

Avstriya poytaxti Vena shahrida turklar va chechenlar guruhlari o‘rtasida ommaviy mushtlashuv ro‘y berdi. Bu haqda The Local xabar tarqatgan.

Internet-kafe oldida ro‘y bergan mushtlashuvda kamida 20 kishi ishtirok etgan. Qayd etilishicha, chechenlardan birida tig‘li qurol bo‘lgan.

Janjal vaqtida Serbiya fuqarosi bo‘lgan shaxs tramvay ostida qolib ketgan.

Hozirda politsiya u tramvay yo‘liga qay tarzda tushib qolganini tekshirmoqda. Shuningdek, uning mushtlashuv ishtirokchilaridan biri bo‘lgani yoki oddiy o‘tkinchi bo‘lgani aniqlashtirilmoqda.

Uni zudlik bilan shifoxonaga yotqizishgan.