Braziliyada turmadan 200 mahbus qochdi

Braziliyada turmadan kamida 200 mahbus qochdi, deb xabar bermoqda mahalliy OAV.

Voqea San-Paulu shtatidagi Jardinopolis munitsipalitetida yuz bergan. Qochoqlik turmada mahbuslar bosh ko‘targanidan keyin sodir etilgan: mahbuslar matraslarni yoqib, to‘siqning to‘rt metrlik to‘rini yirtib, qocha boshlashgan.

Qo‘riqchilar ularga qarata o‘q uzishgan. Qochoqlar yon atrofdagi munitsipalitetlardan qidirilmoqda. Bir necha mahbus tutilgan, bir mahbus qochish vaqtida halok bo‘lgan.

Mahbuslar turmaning me'yoridan to‘lgani sababli bosh ko‘tarishgan. Hozirda turmadan me'yordagidan 800 nafar ko‘proq mahbus saqlanadi.