Asad Suriya inqirozini hal etish yo‘lini ma'lum qildi

Suriya prezidenti Bashar Asadning bayonot berishicha, Suriya inqiroziga barham berish uchun to‘g‘ri kelgan odam bilan emas, balki yer yuzidagi terrorchilarga qarshi kurasha oladigan va ta'sirli siyosiy kuchlar bilan muzokaralar olib borish lozim. Uning so‘zlariga ko‘ra, Suriya hukumati shunday ta'sir kuchiga ega. 

"Muammo muzokaralarni har kim bilan emas, balki haqiqiy ta'sirga ega va vaziyatni o‘zgartira oladiganlar bilan olib borishda. Tasavvur qilaylik, biz muxolifatning barchasini, vatanparvarlarini ham, boshqalarini ham, vatandagilarini ham, xorijdagilarni ham to‘plab, ular bilan barchasini kelishib oldik. Va bu Suriyaning yorqin kelajagining garovi, deb ishondik. Shu paytda boshqa savol paydo bo‘ladi: ulardan qaysi biri Yer yuzidagi terrorchilarga ta'sir ko‘rsatadi?" — degan Asad "Komsomolskaya pravda" gazetasiga bergan intervyusida.

"Barchamiz yaxshi bilamizki, ushbu terrorchilarning aksariyati "Al-Qoida", IShID, "An-Nusra", "Ahror ash-Shom" kabi guruhlarga aloqador tashkilotlar a'zosidir. Ularni vahhobiylik g‘oyasidan boshqa narsa qiziqtirmaydi. Shunga ko‘ra, siyosiy muxolifat bilan har qanday muzokara vaziyatni o‘zgartirmaydi. Ayni mana shu muammoning asosiy qismidir", — deya bayonot bergan Suriya prezidenti.

Uning ta'kidlashicha, Suriya hukumatining "vaziyatga ta'sir etishga doir o‘z usullari bor". 

"Biz terrorchilar bilan urushmoqdamiz. Muxolifat-chi, ular nima qila oladi? Mana savol qanday turibdi? Va men bunga javob bera olmayman. Ularning o‘zlari nimaga qodirliklari va nima qila olishliklarini aytishlari kerak", — degan Suriya yetakchisi.