La Liga o‘tgan mavsumning eng yaxshi futbolchisini aniqladi. Bu Messi ham, Krishtianu ham emas

Ispaniya chempionatining 2015/16 yilgi mavsumidagi eng yaxshilar taqdirlandi. «Atletiko» hujumchisi Antuan Grizmann eng yaxshi futbolchi, shu jamoa bosh murabbiyi Diyego Simeone eng yaxshi murabbiy, «Barselona» a'zosi Lionel Messi o‘tgan mavsumning eng yaxshi hujumchisi bo‘ldi.

Qayd etish kerakki, 9ta nominatsiyadan 5tasi «Atletiko» vakillariga nasib qilgan. Taqdirlanganlar orasida «Real» hujumchisi Krishtianu Ronaldu yo‘q.

Eng yaxshi yangi futbolchi: Marko Asensio («Real» / «Espanol»);

Eng yaxshi darvozabon: Yan Oblak («Atletiko»);

Eng yaxshi himoyachi: Diyego Godin («Atletiko»);

Eng yaxshi murabbiy: Diyego Simeone («Atletiko»);

Eng yaxshi yarim himoyachi: Luka Modrich («Real»);

Eng yaxshi xorijlik futbolchi: Luis Suares («Barselona»);

Eng yaxshi hujumchi: Lionel Messi («Barselona»);

Muxlislar tanlovi: Antuan Grizmann («Atletiko»);

Eng yaxshi futbolchi: Antuan Grizmann («Atletiko»).