Belgiyaning sobiq qiroli Albert II o‘zini uning nikohsiz qizi deb ta'kidlayotgan Delfina Boelning otasi kim ekanligini aniqlash ishi bo‘yicha sud oldida javob beradi. Bu haqda Le Soir nashri xabar bermoqda.
Gazeta ma'lumotlariga ko‘ra, sud 2017 yil 21 fevraliga belgilangan. Ta'kidlanishicha, sud instansiyalari birinchi marta Belgiya qiroli zimmasiga sud jarayoniga kelish majburiyatini qo‘yishgan.
Sud jarayoni Delfina Boel tomonidan 2013 yil iyunda boshlangan, biroq Albert II davlatning amaldagi rahbari sifatida daxlsizlikka ega bo‘lgan. Iyulda monarx taxtidan o‘g‘li Filipp foydasiga voz kechgan.
