Kompani Trampning g‘alabasiga o‘ta keskin munosabatda bo‘ldi

«Manchester Siti» jamoasi va Belgiya terma jamoasi yarim himoyachisi Vensan Kompani Donald Trampning Amerika Qo‘shma shtatlaridagi g‘alabasiga munosabat bildirdi.

«Bu qanaqasi... unda kelinglar, hukumatni barcha tentaklarga topshiramiz va bundan nima chiqishini kuzatamiz. Yangi avlod realiti-shousi. Achinarli dunyo», — deya yozgan Kompani o‘z tvitterida.

Kompanining vatandoshi, belgiyalik himoyachi Yan Vertongen ham saylovlarda Tramp g‘alaba qozonganidan o‘zini o‘ng‘aysiz sezayotgani haqida aytib o‘tgan.