OAV: Pensilvaniyadagi ba'zi saylov uchastkalarida faqatgina bir nomzod uchun ajratilgan knopkagina ishlagan

AQSh prezidentlik saylovlarida Pensilvaniya shtatidagi saylov uchastkalaridan birida Xillari Klinton uchun ajratilgan tugmadan boshqa tugmalar ishlamagani videosi paydo bo‘ldi. Ushbu videoni saylovchilardan biri tvitterda joylashtirdi.   

"Men bu haqda aytdim, ular bu "lan'atini" boshidan o‘rnatganlar", deb izoh yozdi video muallifi.

8 noyabrda AQShda umumiy saylovlar bo‘lib o‘tdi. Ovoz beruvchilar prezident, vitse-prezident, vakillar palatasining barcha a'zolari, 100 nafar senator va 12 nafar gubernator uchun ovoz berishdi. 

Hammasi bo‘lib prezidentlik saylovlarida 6 nomzod ishtirok etgan, biroq ulardan ikkisi – Donald Tramp va Xillari Klinton yetakchilar hisoblanadi.